В благодарность за помощь в нахождении брата... Святой великомученик Евстафий, помогает тем кто потерял близких и родных! Мне помог, как только я ему помолилась, брат сразу нашелся! По вере нашей, да будет нам! Веруйте и просите помощи и никогда не сомневайтесь! МОЛИТВЫ Тропарь великомученику Евстафию Плакиде и иже с ним, глас 4 Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша. Кондак великомученику Евстафию Плакиде, глас 2 Страсти Христовы яве подражав/ и Сего испив усердно чашу,/ общник, Евстафие, и славы снаследник был еси,/ от Самаго всех Бога// приемля с высоты божественное оставление. Молитва великомученику Евстафию Плакиде О, преславный, святый и многострадальный великомучениче Христов Евстафие! Услыши нас грешных и недостойных, святую память твою празднующих. Испроси нам у Господа многомощными молитвами твоими благодать, яже ко спасению, и всех грехов, содеянных нами, прощение, земли благоплодие, миру мирное устроение и от лютых диавольских козней свобождение, христианскую кончину жития нашего и немятежное чрез воздушныя мытарства к небеси прехождение, ты бо приял еси благодать сию от Господа, еже молитися за ны, и аще восхощеши помощи нам, почитающим священную память твою, вся можеши сотворити. Не презри убо нас, недостойных, страстотерпче святый, и испроси от Господа вся благая и полезная душам нашим, яко да и мы сподобимся славити и воспевати всесвятое и великолепое имя Его во премирном Царствии Небеснем, идеже есть всех святых жилище, во веки веков. Аминь.
